• ABOUT US
  • BLOG
  • SONGS
  • VIDEOS
  • CONTACT US
collaboratory.ph logo
  • ABOUT US
  • BLOG
  • SONGS
  • VIDEOS
  • CONTACT US
collaboratory.ph logo
collaboratory.ph logo
BACK TO BLOG

Pagwawakas ng Wakas

Blog Posts
Collaboratory.ph Pagwawakas ng Wakas by Ian Christopher Sudiacal - Season 01 Episode 17

Ian Sudiacal

Mahal, nais kong ipaalam sa iyo

Na ang araw na ito

Ay isang pamamaalam

Pamamaalam sa lahat ng uri ng pamamaalam

Paglayo, sa lahat ng uri ng paglayo

Pagbitaw, sa lahat ng uri ng pagbitaw

Ang araw na ito ay ang ating pagpapatunay

Sa kanilang nagpasya na mapupunta lang din tayo sa paghihiwalay

Sa kanilang kumwistyon sa kung pag-ibig nga ba natin ay tunay

Ang palitan ng ating mga panata’y sigaw

Sa sanlibutang hirap nang maniwala sa walang iwanan

Sa pag-ibig na walang hanggan

Ang araw na ito ay pag-iisa nating dalawa

Nangako na hindi na kailanman mag-iisa ang isa’t isa

Hindi mawawala at mawawalay sa iyong tabi

Saksi natin ang mundo, ang uniberso, maging ang may likha

Sabay sumumpa sa harap ng kanyang dambana na manata

Na habang buhay ay iibigin ang isa’t isa

Sa sakit at kalusugan, sa hirap at ginhawa

Ang ating pag-iisang dibdib

Ang eklipso ng ating mga pusong matagal din nawalay

Sa kabiyak nila, hindi na mahahati, hindi na pahahati

Ang susunod pang bawa’t mga araw ay isa nang panata

Na hindi na kailanman sisikat ang araw na magigising ka’t mag-isa sa iyong kama

Sapagkat kasama ng pangakong mamahalin ka ng habang buhay

Ay ang pag-ako rin sa lahat ng iyong bukas na nakatira tayo sa iisang bahay

At hinaharap ay ating buuin at bunuin ng magkasama

Sa tahanang ako ang haligi at ikaw ang magsisilbing ilaw

Mahal, ang araw na ito ang pagtatapos ng lahat ng katapusan

Ito na ang simula ng ating walang hanggan

Pagwawakas ng Wakas — Collaboratory.ph